نفيسة عبد الفتاح
إمتى كان الحُب واسطة؟
اكتبوا ع الفِشن “واسطى”
واشطبوا كل الخرايط
اعلنوها ف الجرايد:
هو حَبّ بكل قُوة
وهي سابت…
واللي ثابت ف الحكاية:
إنها حبة رعونة!
بلقيس انتهت
مِن حكايتها المصونة
لا انتي صافية، ولا انتي عدرا
ولا عجيبة، ولا حالة نادرة!
انتي نقطة… ف بحر واسع
واللي شاطر في السباحة
بُكرة يغرق جوا شطّك
رمل شطّك كان مواجع
واعتقاد جواكي راسخ:
إن روح الحُب شامخ
أو ممالك للوفاق…
حبنا أصله نفاق.
مترو ضَلّ طريق رجوعه
فاتيتمت أنفاق…
والحقيقة، من غير مجاملة:
صورة كاملة للغروب
إمتى مات البحر؟ … لمّا
نام ف حُضنه “طن طوب”!
عِشت فيكي، وعِشت بيكي
كنتي سوءات باينة جدًا
وأنا اللي كنت بداريكي
أتاريكي… شيطان غادر
وأتاريني بكفّر ف حروبك
كل خطايا اختياراتي
مع كل ذنوبك…
عطور Noses
نحن الأقدم دون منازع فى مجال العطور المصنوعة فى مصر بجودة عالمية وأسعار خارج المنافسة
العطر فى أنقى صورة وأفضل أداء وفوحان وخامات آمنة تماما على البشرة
يمكنكم معرفة جديدنا الذى لا يتوقف عبلر موقع الويب الخاص بنا وعبر صفحتنا على فيسبوك وانستجرام
الأدباتي
