أخبار-ثقافة -فكر دينى – فنون – أثار
كتبت ايمان امبابي
صدق اللي قال إن أسوان هي ارض الذهب، مبدعات اسوان دايما موجودات ودايما ملهمات
وملهمة النهاردة هي حنان العمدة. .
حنان درست إعلام واشتغلت بالفعل في أحد قنوات التليفزيون في أسوان و بالرغم من ان ده شغلها، لكن شغفها دايما كان الابداع خصوصا في أي حاجة تخص اسوان.
حنان شاركت في اكتر من مسابقة
و حصلت علي العديد من الجوائز منها جائزه افضل حمله ترويجية باسم زوروا اسوان من المركز العربي للإعلام السياحي في 2017 و فازت بجايزة افضل فيلم تسجيلي عن الاستشفاء البيئي من المركز العربي للإعلام السياحي بدبي في 2019
موخرا كانت من ضمن السيدات اللي كانوا في برنامج مبدعات الجنوب لجيميناي افريقيا بدعم من السفارة الكندية. و كانت من ضمن البنات اللي اخرجوا فيلم كولود.
حنان قالت عن جيميناي ان هي حست انها بتعمل كل حاجة لأول مرة و بشغف.
جيميناي افريقيا فخورة برحلة حنان العظيمة و بتقولها انتي لسه في اول الرحلة, و استنوا قصص نجاح تانية.
وتحكي حنان تجربتها
في شهر يناير 2023انضممت أنا و40 فتاه وسيده من اسوان ضمن ورش مبدعات الجنوب برعايه جيميناي افريقيا والسفاره الكنديه بمصر وبعد فتره من التدريبات والاختبارات تم تصفيه العدد الي 25 سيده وفتاه ثم تم تقسيمنا الي 5 مجموعات تلقينا تدريب ع التصوير والمونتاج والنقد الفني ع يد خبراء ف المجال ثم قمنا بتنفيذ مجموعة من الأفلام كل مجموعة تقدم عملا فنيا